كيف تغيرت حياتى بعد بدايتى مع القرآن؟
أنا بدأت رحلتى مع القرآن سنة 1999
كان عمرى وقتها 22 سنة
مريت بصعود وهبوط ومراحل يأس ومراحل ازدهار
لكن الجميل فيها انها لم تتوقف
وانها ظلت رغم تقلبات الحياة
الشئ الوحيد اللى مستمر
من أول ما بدأت رحلتى مع القرآن وأنا حاسس ان حياتى بتتغير للأفضل
لكن التغير الكبير اللى حسيته فعلا حصل
لما بدأت أوصل رسالتى للناس وأساعد غيرى انه يحقق حلمه فى حفظ القرآن
أول حاجة حصلت انه اتبدل الشعور اليومى بالضيق إلى شعور يومى بالفخر🤩🤩🤩
كل يوم براجع تقارير الحفظ للطلبة بتوعى وبشوف كل واحد اجتهد ازاى
وان ربنا جعلنى سبب فى ده
وبيبقى أمامى مسار كامل لرحلته من أول ما بدأ معايا
ومتوقع يخلص امتى
وامتحانه القادم هيكون فى أى توقيت
وصل فين فى منهج المتشابهات”البناء التدريجى” اللى انا عامله مخصوص
وصل فين فى منهج قيام الليل بمحفوظه
كل ده بيخلينى يوميا فخور باللى بعمله
فخور بطلابى من جميع أنحاء الدنيا
فخور انى قدرت أنشر رسالتى
لحد ما وصلت لأمريكا وكندا وسويسرا وفرنسا
وتونس والجزائر والمغرب
والإمارات والسعودية
والأردن
وكل يوم والحمد لله بوصل لمساحة أكبر من العالم
وده بيخلينى عايش فى مشاعر دايمة من الفخر والشكر لله على نعمه
ثانيا
بقيت بشتغل يوميا مع أفضل ناس 😍😍😍
بدل ما كنت كل يوم بروح الشغل اتعامل مع ناس مفروضة على حتى لو كانوا كويسين لكن حقيقة انهم مفروضين على وليس لى حرية اختيار اللى أتعامل معاهم ده كان بيسبب لى شعور بالضيق بشكل يومى
لكن دلوقتى…أنا حريص جدا فى اختيارى للطلبة بتوعى…يمكن من كل خمس طلاب أقبل واحد بس
ده لأنى عايز بس الطلبة الملتزمة اللى فعلا مصرين يجتازوا الرحلة وعندهم إرادة وتحدى
كمان
بقى يومى أكثر انتاجية 😎😎😎
بدون اجتماعات دورية ولا سياسات مكتبية
ولا شاى بالياسمين ومهلبية😂😂😂
(معلش أصلى بكتب وانا صايم)
بَقْدر استفيد من يومى أكبر استفادة
وبستمتع بالوصول للنتايج اللى عايزها بأنى بعمل المطلوب لده مباشرة
مش مهمات مملة وليس الغرض منها الا تكدير الصفو العام 🙂
والأجمل من كده
الاحساس بالحرية 🤸♂️🤸♂️🤸♂️
انى أقدر أختار مواعيد شغلى اللى تريحنى
وأقدر أشتغل من أى مكان فى العالم
وأتواصل مع ناس من كافة أنحاء العالم
وجدولى اليومى مش بس بيساعدنى أقدم أفضل مساعدة لحفظة القرآن
لا دا كمان بيساعدنى أنى أكبر كل يوم
زى ما الزمن بيمر
أنا بكون أفضل كل يوم
وده أهم شعور
الاحساس الدائم بالنمو
زى النبتة اللى فى الصورة دى
احساس ان انا بَسْقينى كل يوم وبَرْعانى عشان أكبر😆😆😆
احساس انى بكون أفضل كل يوم عن اليوم اللى قبله 💪💪💪
لحد ما ييجى اليوم المحتوم
أقول يا رب 🙏🙏🙏
أنا بذلت حياتى بساعد عبادك
على انهم يحفظوا القرآن
بدون نسيان
يا رب تقبل منى
وشفع فى القرآن
انت كمان ممكن تحكى لى فى تعليق ازاى حياتك تغيرت بالقرآن؟
