يعنى ايه قرآن بدون نسيان
😠انتو بتضحكوا عالناس
🤬بلاش العبارات الرنانة دى
🤭هى القافية حكمت
🤥قال قرآن بدون نسيان قال
لحظة من فضلك
هو حضرتك حكمت حكم نهائى غير قابل للاستئناف بدون إعطاء الفرصة للمتهم انه يدافع عن نفسه؟
ومع ذلك أنا متأكد من انصاف حضرتك وانك هتسمعنى لدقائق قليلة فقط أشرح لك احنا ليه بنقول قرآن بدون نسيان وايه الفرق بينه وبين أى برنامج حفظ تانى
من خلال كلامى مع أكتر من 600 حافظ وحافظة اجتازوا البرنامج معايا لقيت ان مشاكل الحفاظ بتتلخص فى تلات حاجات
أولا: طريقة الحفظ
طريقة الحفظ التقليدية انك تروح لشيخ فى مسجد أو حتى على النت وتسمع بشكل يومى
معنى ذلك انك محتاج مع وقت شغلك ووقت أولادك وقت هتحفظ فيه وبعدين وقت عشان تسمع للشيخ ووقت بيضيع بينهم
الأمر ده مش بس بيسبب ازعاج بشكل يومى وتضييع وقت أكتر من اللازم
لا
ده بيربط الحفظ معاك بالألم
وأى شئ بنربطه بالألم بنهرب منه لا شعوريا
وبتزداد حالة الألم نتيجة الشعور بالذنب انك نفسك تحفظ بس مش عايز تبدأ تانى عشان متجربش الشعور بالألم تانى
لكن فى برنامج قرآن بدون نسيان
لو اخترت انك تحفظ نصف ساعة فقط يوميا فأنت غير مطالب الا بالنصف ساعة دى فقط وده لان مفيش تسميع يومى
الله…أمال بنسمَّع ازاى؟
فيه اختبار بعد كل جزء وده بيخلى تحفيزك اليومى يزيد لأنك عارف انك هتمتحن بس مش عارف هتتسأل فين فبتبقى مركز كويس جدا لهدف نهائى وده تأثيره أكبر بكتير من التسميع اليومى اللى بتبقى حاسس انك أديت مهمة وانتهت
ده بيساعد على تقليل الوقت الضائع يوميا فى انتظار التسميع وبيخليك مركز فقط على مهمة واحدة…الحفظ
ثانيا طريقة المراجعة
معظم اللى بيحفظوا بينسو بعد فترة قليلة ومجهود الحفظ اللى عملوه بالشهور بيضيع بسبب ان الشيخ اللى بيحفظوا معاه لم يعلمهم طريقة المراجعة ازاى وحتى لو قال لهم …ده مبيكونش كفاية عشان يلتزموا بعد انتهاء فترة الحفظ
لكن فى برنامج قرآن بدون نسيان المراجعة بيتم بناءها مع الحفظ جنبا إلى جنب
يعنى ايه؟
يعنى انت أصلا مبتلحقش تنسى عشان تراجع
انت من أول حفظ بيظل اللى انت حفظته فى ذهنك بسبب طريقة المراجعة اللى بنتبعها فى قرآن بدون نسيان
ثالثا
التعامل مع المتشابهات
ودى مشكلة كبيرة بيعانى منها حتى اللى وصلوا لمرحلة كبيرة من الاتقان
وعشان اصور لك حجم المشكلة تخيل ان فى كل جزء فيه أكتر من 100 متشابه لكن المشكلة مش فى ده المشكلة ان اللى بيحفظ القرآن لحد الآخر بيلاقى نفسه فجأة أما حجم متشابهات أكبر من حجم اللى حفظه بتلات مرات عالأقل
ده بيبقى صدمة
احباط
وده بيسبب انه ممكن يترك المراجعة لانه لما بيبدأ فى آية من سورة آل عمران بيدخل على سورة البقرة أو لو بدأ آية فى سورة الأنعام بيدخل على سورة يونس بسبب المتشابهات
واللى حافظ فاهم أنا بتكلم عن ايه
لكن فى برنامج قرآن بدون نسيان…المتشابهات معاك من أول جزء وبنتبع طريقة اسمها “البناء التدريجى” واللى بتخلى حفظك كالجبل الراسخ من أول يوم
وبتوجهك للمتشابهات فى اللحظة اللى انت بتمر عليها
شكرا انك سمعتنى للآخر
كنت متأكد انك منصف
ودلوقت يا ترى
لسة بتسأل
يعنى ايه قرآن بدون نسيان؟
