شير 😀شير 😀شير😀
خمس مواقع هتخليك تحب القرآن أكتر ❤️❤️❤️
مواقع باستخدمها بشكل يومى 🤩🤩🤩
مواقع لما تعرفها لا تستطيع الاستغناء عنها 👏👏👏
فى عالم ملئ بالمعلومات…تدل الاحصائيات ان فيه أكتر من 1000 موقع بيتم انشاؤهم فى الدقيقة الواحدة 🙂
دى كمية معلومات ومواقع أكبر من الاستيعاب
ومع ان المواقع بتكتر بالسرعة دى ..الا انك صعب تلاقى الجودة اللى بتدور عليها
صعب تلاقى الموقع اللى ترجعله كل يوم وتستخدمه بشكل دورى
دى مواقع تتعد على الصوابع
عشان كده كنت حريص على تجميع أفضل المواقع اللى بلاقيها أثناء بحثى فى قايمة عشان تبقى أمام عينى على طول
مواقع برجعلها بشكل شبه يومى للقراءة والاستماع والتحميل
كل موقع منهم ليه استخدام وفايدة غير التانيين
القايمة دى مبتطلعش إلا للغاليين 🙂
القايمة دى هشارككم بيها النهاردة
مستعدين؟
يلا بينا
الموقع الأول:
موقع المصحف الإلكترونى بجامعة الملك سعود
الموقع عبارة عن محاكاة الكترونية للمصحف الشريف
متوفر بسبع عشرة لغة
معاه هامش لترجمة معاني القرآن الكريم لأكثر من عشرين لغة..ما شاء الله
وترجمة صوتية للغتين …
وسبعة تفاسير …اللهم بارك
وتلاوات للقرآن الكريم بصوت العديد من مشاهير القراء مع إمكانية التكرار لتيسير الحفظ على الأطفال والمكفوفين خاصة..
بصراحة الموقع مبذول فيه جهد…اللهم بارك للقائمين عليه
تقدر تزور الموقع وتستفيد بيه من هنا
http://bit.ly/Moshafelectrony
الموقع الثانى
موقع تنزيل
أهم ميزة فى الموقع ان أى آية تشير اليها بالماوس بيجيبلك ترجمتها بالانجليزية فورا…ده بيفيدنى فى التعامل مع الأجانب اللى بيحفظوا معايا
وممكن يفيد أى حد بيدعو للاسلام
كمان الموقع بيقدملك خدمات تانية زى
عرض القرآن الكريم كتابيا وليس رسمياً مع امكانية تغيير نوع الخط وحجمه وامكانية النسخ ببساطة
تلاوة الآيات منفصلة أو متصلة مع امكانية تغيير القارئ
امكانية تحديد اعادة لكل آية بهدف الحفظ
امكانية التنقل في المصحف بواسطة : السورة – الآية – الجزء – الصفحة
والبحث في كلمات القرآن الكريم
لزيارة الموقع من هنا http://bit.ly/tanzeeel
الموقع الثالث
موقع القرآن فى شبكة مسلم ويب
أهم ميزة فى الموقع انه فيه خاصية اخفاء الايات واظهارها عند النقر عليها بهدف مراجعة حفظ القرآن الكريم…خاصيىة رهيييبة 🤩🤩🤩…جربها كده
وفيه امكانية المراجعة عن طريق انه يعطيك آية وانت تكتب النص القرآنى الذى وردت فيه
موقع مهم جدا للحفاظ
الموقع بيقدم خدمات تانية زى
عرض التفسير من عدة مصادر
التنقل بين اجزاء وسور وآيات القرآن الكريم بسلاسة
الاستماع المتصل لآيات القرآن الكريم بصوت اكثر من 20 قارئ
تقدر تزور الموقع من هنا http://bit.ly/quranmuslimweb
الموقع الرابع
موقع قرآن فلاش
الموقع ده لما بدخل أقرأ منه كأن المصحف بين ايدى…يعنى باقلب الصفحات واتنقل بينها كأن المصحف ورقى وماسكه بين ايدى مش على النت 😍😍😍
لا وايه…من فوق على اليمين باختار بين أكتر من 12 مصحف وبروايات مختلفة كمان
مش بس كده..دا انت بتختار تصميم مناسب للوقت اللى انت بتقرأ فيه يعنى لو بتقرأ بالليل تقدر تختار الخلفية المناسبة لعرض صفحات المصحف عليها غير لو بتقرا بالنهار أو حسب المود اللى بتمر بيه سعادتك
والموقع بتلات لغات كمان
جرب الموقع ده هتحبه أوى زى ما أنا حبيته كده
http://bit.ly/quranflashcom
الموقع الخامس والأخير اللى هكلمكم عنه النهاردة
موقع الباحث القرآنى
الموقع ده محرك بحث زى جوجل كده بس بيبحث مخصوص فى الآيات القرآنية
ودلوقت أضافوا له امكانية البحث فى الأحاديث كمان
http://bit.ly/ba7ethqurany
والموقع ده بحب أزوره أوى عشان بيعرض فى خلفية البحث فى كل مرة مسجد جميل من المساجد الاسلامية اللى منعرفش عنها حاجة حوالين العالم كله
هبقى أكتب لكم عن المساجد اللى قلبى بيرفرف لرؤيتها فى بوست منفصل
حتى شوف الصورة من داخل مسجد بوترا فى ماليزيا
هاه..أخبار قلبك ايه…بيرفرف 🙂
دلوقت منتظر ايه
شير المواقع دى عشان الناس تستفيد
