الواحد أكبر من الصفر
… قال لى: أنا حاسس ان حفظ القرآن ده هدف أكبر منى
زى طفل صغير أمام سلم… درجاته أكبر منه
أنا لسة محتاج أتعلم ازاى أقرأ صح الأول
وبعدين أبدأ أحفظ
بالإضافة انى بدأت حفظ قبل كده
😔واللى حفظته نسيته
وعشان أرجع أحفظ تانى
😔طيب ما أنا هنسى تانى
طب وانت بتعمل ايه دلوقت؟ –
واقف مكانى…لا بتقدم ناحية حلمى فى انى أحفظ القرآن-
ولا أفكارى سيبانى فى حالى
دايما حاسس بالذنب ونفسى أحفظ
😞مش عارف ابتدى ازاى
قل لى أعمل ايه الله يبارك لك
أبتدى ازاى؟
قلت له-
أولا انت معاك حق فى كل مشاعرك
الاحساس بحجم الانجاز المطلوب منك
الاحساس بحجم المسؤولية انك تحفظ بدون رجوع للنسيان
الاحساس ان فيه خطوات لازم تعملها للاستعداد قبل الحفظ
لكن عندى سؤال
لو اتقابلنا بعد سنة من دلوقت
هتكون أنجزت أى شئ غير الشعور بالذنب
والمشاعر السلبية اللى انت حاسس بيها دى؟
قال لى ما هو عشان كده أنا جايلك
دلنى عالطريق ربنا يكرمك
قلت له أنا هدلك على الطريق لأن ده واجبى …لكن …هل أنت على استعداد لأداء واجبك؟ هل هتنفذ ؟
قال لى أنا معاك فى أى شئ..أنا بحلم انه يتقال لى…إقرأ وارتق ورتل كما كنت ترتل فى الدنيا
فان منزلتك عند آخر آية تقرأها
نفسى تكون درجتى عالية فى الجنة
نفسى والداى يتكرموا بسببى يوم القيامة ويلبسوا تاج الوقار
😍😍وهى دى حاجة ممكن الواحد يكسل عنها؟
بس أنا عايز أخرج من اللى انا حاسس بيه ده
😔المشاعر دى بتقتلنى
ومش عارف أعمل ايه عشان أبدأ
قلت له الإجابة سهلة خالص
.
.
.
الواحد أكبر من الصفر
الواحد أكبر من الصفر
🤨 يعنى ايه؟
يعنى بدل ما انت واقف ومبتعملش حاجة والوقت بيمر
ركز في حاجة واحدة دلوقتي وخلي عندك أولوية إنك تحقق إنجاز ولو بسيط
…ابدأ بالتجويد…
وبعدين احفظ نصف ساعة كبداية…
علشان تبدأ تكبر من قدراتك على تحقيق المزيد
كده يبقى انت بتعمل واحد
بدل ما بتكتفى بالصفر
كده لما نتقابل السنة الجاية فى نفس المعاد
هتلاقى نفسك قطعت مشوار طوييييل
عمرك ما كنت هتعمله لو انت رضيت بالصفر
😫بس وانت ماشى فى الطريق ونفسك قالت لك أرجع
😞أو قالت لك احنا ماشيين ببطء
أو قالت لك
😔احنا محققناش حاجة كبيرة
قل لها
🙂انا فهمتك خلاص”
💪💪💪الواحد أكبر من الصفر
ساعدنى فى نشر رسالتى والوصول إلى حلم العشرة آلاف حافظ واعمل شير
