خايف …متردد…واثق

أى نوع تريد أن تكون؟

الناس اللى نفسها تحفظ قرآن بيبقوا منقسمين لتلات أقسام

واحد واقف على الشط خايف يقرب 😰
واحد قرر يكسر حاجز الخوف وبيقول ليه لأ فبدأ يسأل🧐
وواحد خد الخطوة وبدأ فى البرنامج المناسب ليه 😆
كل واحد من دول له عندى حقوق
وله على حق انه يتعامل معاملة خاصة

معاهم كلهم أكتر حاجة بكون مهتم بيها انى اكون أمين
مش بس أمين فى النصيحة
لكن أمين فى أداء رسالتى
وأمين فى الفعل

يعنى اللى خايف يقرب بيبقى محتاج يعرف أكتر
محتاج يطمن
محتاج حد ياخد بايده
وده بذكره بالآية
وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ (22) – سورة القمر

وفى نفس الوقت بشجعه يبدأ بأقل مجهود يقدر يبدأ بيه
حتى لو نص ساعة فى اليوم
وممكن يزيد بعد كده
بقدم له الزرعة اللى يقدر يكبرها ويسقيها
زى اللى فى الصورة كده

أهم حاجة انى اكون أمين معاه
ومقولوش ان الموضوع كانه شربة مياه
لازم يعرف ان فيه مجهود وتعب
لحد ما تكبر الزرعة
لكن مجهود لذيذ
ومضموووون الوصول

خصوصا انه بيستعين بخبرتى
وان انا مشيت فى الطريق قبله
وده هيوفر معاه أد ايه وقت ومجهود

الللى بدأ يسأل لازم اوضحله ان القراءة الصحيحة قبل الحفظ
لان ده هيوفر عليه وقت كبير
خصوصا ان شفت ناس حفظت غلط

حالات كتير بتجيلى كده
لما بنصحهم بتعلم التجويد الأول
فيه منهم اللى بيروح ومبيجيش

لكن لازم اكون امين معاه
وأقدم النصيحة المخلصة
حتى لو هو مفهمش ده

يعنى تخيل لو انى طاوعتك تحفظ من غير تجويد
وحفظت خمس أجزاء وانت بتنطق غلط
عشان ترجع تحفظهم تانى صح
هتحتاج تتخلص من الكلمات الى انت حفظتها غلط الاول
وتكرر الصح كتير جدا عشان تنسى الغلط
ودا شئ انا لا اتمناه ليك
وهكون أمين معاك حتى لو كان ده مش هيعجبك

زى كده لما بننصح أولادنا بيكونوا مش فاهمين فى الأول
لكن لما بيفهموا بيشكرونا أد ايه

فيه منهم اللى بدأ معايا فى الحفظ
بكون أمين معاه ازاى

الشدة فى موضع الشدة واللين فى موضع اللين
يعنى مينفعش أطبطب عليه فى الوقت اللى لازم أكون حازم
يهمنى فى الآخر الأداء بتاعه
انه يوصل لهدفه فى حفظ القرآن
النفس البشرية محتاجة اللى يزقها ناحية الصحيح
الدكتاتور المستنير 🙂

شديد آه لكنه بيعرف امتى يكون لين

يا ترى انت اى نوع من دول
ناقشنى فى التعليقات