كل واحد فينا بيبقى عنده أحلام
الناس بتحلم أحلام عن مستقبلها
أنا عندى أحلام لمستقبل قرآن بدون نسيان🤩🤩🤩
بس مش أى أحلام
أحلام عن حياة جميلة مع القرآن
مش بس لى
لا
دى كمان للعالم كله
وناوى أعمل كل ما أستطيع
لتحقيق الأحلام دى
أول حلم بحلمه
بحلم أوصل الى 10000حافظ وحافظة خلال خمس سنين
حلم كبير؟
تعالوا نحسبها
دلوقت أنا قدرت أوصل ل 600 حافظ وحافظة
لو قدرت أضاعف العدد ده مرة واحدة سنويا
يعنى السنة الجاية
1200
وبعدين
2400
وبعدين
4800
والسنة الرابعة
9600
والسنة الخامسة احتياطى لاكمال العدد وتعويض أى نقص خلال السنين اللى فاتوا
معقول كده؟
لو قدرت أنفذ الحلم ده
يبقى ممكن أكون طموح للحلم التانى
انى أغير حال المسلمين مع القرآن
حلم ان كل بيت مسلم يكون فيه حافظ بالطريقة
عشان لو كل بيت مسلم كان فيه واحد بس حافظ بالطريقة دى
يبقى هيقدر ينشر الرسالة للبيت كله
وساعتها هيكون حال المسلمين مع القرآن غير
الحلم التالت انى ألف العالم بمحاضرة قرآن بدون نسيان
بتخيل نفسى واقف أمام آلاف الناس
اللى نفسهم يحفظوا القرآن
ويسمعوا الطريقة اللى بتقربهم من الحلم ده
بتخيلهم بيسقفوا من جمال اللى سمعوه
بينبهروا بالمعلومات اللى قربتهم لحلمهم فى حفظ القرآن بسهولة
بتخيل انى بخلص المحاضرة فى انجلترا
أطلع على أمريكا
وبخلص هناك بسرعة عشان ألحق الطيارة اللى طالعة على الصين
بسرعة 🙂
زى ما انتم شايفين
أنا عندى خطط كبيرة للمستقبل
أنا بخطط عشان أعمل شئ كبير
ومش أستسلم
اللى نفسهم يحفظوا القرآن بيتوقعوا منى الكثير
وأعتقد انى عملت شغل كويس لحد دلوقتى
كما ان امكاناتى دلوقتى غير أول ما بدأت خالص
أحلامى هى اللى بتخلينى مستمر
شئ بقاتل عشانه
وسأحصل على ما أقاتل من أجله يوما ما
لو عايز تنضم للحلم
ابدأ من هنا
