حكيت لكم عن أحلامى قبل كده
أحلامى لبرنامج قرآن بدون نسيان
الأحلام اللى كتبتها فى البوست ده
http://bit.ly/qurandream
لكن الأحلام لوحدها مش كفاية
لازم الأحلام دى تفكر نفسك بيها كل يوم
تحدد استراتيجية عشان تمشى بيها ناحية أحلامك
وتعمل أفعال يومية عشان توصلك للى انت عايزه
وتستخدم كل الوسايل اللى تعرفها عشان تسهل وصولك لحلمك
أحد الوسايل اللى بستخدمها هى ال
vision board
ودى عبارة عن لوحة بجسد فيها أحلامى
لما بتجسد أحلامك بتخليها شئ ملموس
ولما بتبقى كيان ملموس بتدى صورة لعقلك انه يتحرك ويشتغل
اللى فى الصورة دى هو تجسيد لأحلامى وطموحاتى
الصورة الأولى من على الشمال
دى بتجسد حلم ال 10000 حافظ
دلوقت أنا قدرت أوصل ل 600 حافظ وحافظة
لو قدرت أضاعف العدد ده مرة واحدة سنويا
يعنى السنة الجاية
1200
وبعدين
2400
وبعدين
4800
والسنة الرابعة
9600
والسنة الخامسة احتياطى لاكمال العدد وتعويض أى نقص خلال السنين اللى فاتوا
معقول كده؟
الصورة الثانية اللى جنبها اسمها at least one
بتمثل حلمى فى ان كل بيت مسلم يكون فيه على الأقل واحد حافظ بطريقة قرآن بدون نسيان
خصوصا لو كان أب وأولاده بينظروا ليه كقدوة
ده هيأثر عالبيت كله
الصورة الثالثة اسمها
Around the world
ودى بتمثل حلمى فى انى ألف العالم أحاضر وأوصل للعالم كله برسالة قرآن بدون نسيان
الصورة الرابعة وانا واقف بحفز الناس على انها تحفظ وزى ما انت شايف كلهم منصتين ومركزين 😄
بتخيل انى بخلص المحاضرة فى انجلترا
أطلع على أمريكا
وبخلص هناك بسرعة عشان ألحق الطيارة اللى طالعة على الصين
بسرعة 🙂
الصورة الخامسة اسمها
family
ودى بتجسد حلمى لكل الأسر اللى هيلمسها قرآن بدون نسيان
أسر تستمتع مع القرآن
أطفالها هاديين وحلوين
وبيحفظوا وردهم من القرآن
الصورة السادسة اسمها
Responsibility
ودى بفتكر بيها انى المسؤول الأول عن حياتى
ومسؤول عن تسليم الرسالة
وان كل واحد بيحفظ معايا
انا بسلمه المسؤولية من بعدى
انه ينشر الرسالة
وانه يحافظ على العلم اللى وصل له
الصورة السابعة اسمها
Twenty years vision
ودى بتفكرنى دايما ان اللى بزرعه النهاردة هحصد نتيجته بكرة
وبسأل نفسى كل يوم
هل اللى زرعته النهاردة هتكون فخور بيه بكرة؟
الصورة الثامنة
step by step
ودى بتفكرنى انى أمشى خطوات بسيطة لكن مستمرة أفضل من انى أقف
وأفضل من انى أجرى وأتعب فى الطريق
الصورة التاسعة
ودى بتفكرنى انى أحبنى 🙂
وانى لازم أروى نفسى وعقلى كل يوم
وانى منسانيش فى زحمة الطريق 🙂
انا مثبت تطبيق على موبايلى بيفكرنى يوميا قبل ما أنام وأول ما أصحى بأحلامى عشان أشتغل عليها
وبيساعدنى ان تكون ال
vision board
كائن حى
أغير فيه وأحسن منه
واللى قدرت أحققه
أضع لنفسى هدف آخر مكانه
يا ترى ايه أكتر حلم من
دول عجبك وليه؟
كلمنا عنه فى التعليقات
